Prindërit e një djali dhjetë vjeç u kapën në kamea duke e autorizuar të birin e tyre t’ua drejtonte makinën në autostradë. Pamjet u regjistruan nga një shofer dëshmitar në fillim të kësaj jave në Telangana të Indisë, bën të ditur Daily Mail. Në videon e siguruar, një vogëlush mund të shihet duke vozitur përgjatë korsisë qendrore të autostradës.
Mendohet se ngjarja ka ndodhur në një zonë periferike, para se t’i bëhej me dije një parregullësi e tillë policisë së trafikut. Oficerët gjurmuan makinën dhe zbuluan se shoferi ishte vetëm dhjetë vjeç. Ata i shqiptuan një gjobë pronarit të makinës. Mosha minimale për të siguruar patentë shofer në Indi është 18 vjeç.