Dy sulmet e fundit në SHBA kanë shtuar frikën te qytetarët amerikanë, deri në paranojë. Times Square, lagjja më e famshme dhe e mbushur me njerëz në New York, u përfshi në një kaos të vërtetë mbrëmjen e të martës, kur mijëra njerëz nisën të vraponin në panik. Turma e njerëzve vërshoi në panik nga frika se dikush po qëllonte me armë.
Njerëzit nxituan të gjenin një strehë të sigurt duke u futur në teatro, dyqane dhe hotele. Pati edhe të lënduar gjatë përplasjeve mes turmës, por edhe prindër që humbën nga duart fëmijët e tyre. E në fakt gjithçka ishte një alarm fals dhe i shkaktuar nga zhurma e një motoçiklete e njohur si “Motorcycle Backfire”. Times Square është një nga zonat më të mbrojtura të Amerikës, pasi edhe në ditë të zakonshme rrugët patrullohen nga shumë polici.