Pavarësisht nga biseda apo situata, njerëzit nuk mund të kontrollojnë gjithmonë mesazhet që përcjell trupi i tyre. Leximi i gjuhës së trupit mund t’ju ndihmojë të njihni më mirë njerëzit para se të lidheni me ta. Një artikull i Bright Side zbulon çfarë mund të fshihet pas disa gjesteve.
1. Shmangia e kontaktit me sy ose fërkimi i syve kur fshehin diçka.
Nëse vëreni se personi që keni përballë shikon vazhdimisht në këndin e sipërm majtas ose djathtas të syve, ai mund të gënjejë. Megjithatë, mos e ngatërroni shikimin nga poshtë me shikimin anash. Njerëzit zakonisht shikojnë poshtë kur përpiqen të kujtojnë diçka. Shumica e njerëzve janë të vetëdijshëm për këtë teknikë dhe përpiqen të shmangin kontaktin me sy në radhë të parë. Për shembull, shumica e lojtarëve me përvojë në poker fërkojnë sytë gjatë trukeve për tu dukur sa më natyralë në veprime. Kontakti i shëndetshëm me sy endet periodikisht në drejtime të ndryshme gjatë një bisede, së bashku me shprehjet për t’iu përgjigjur informacionit.
2. Rrinë gjithmonë në telefon për të shmangur konfrontimin.
Nëse i shihni sytë e dikujt të fokusuar në ekran gjatë gjithë kohës, kjo mund të tregojë se ai ka frikë nga konfrontimi ose shqetësohet se mesazhet nga një person tjetër mund të shfaqen në çdo kohë. Mund të jetë shqetësuese nëse partneri ose miku juaj e krijon papritmas këtë zakon.
3. Ata priren të anojnë nga ju gjatë bisedave.
Në përgjithësi, njerëzit ose çiftet priren të anojnë nga njëri-tjetri përmes trupit, këmbëve ose kokës gjatë bisedave. Nëse vëreni një ndryshim në gjestet e tyre dhe mënyrën se si ata u përgjigjen pyetjeve tuaja, mund të jetë një shenjë se ata po fshehin diçka. Ose kjo mund të nënkuptojë edhe se dikush nuk është vërtet i interesuar në bisedë dhe do të preferonte të ishte diku tjetër.
4. I kanë krahët dhe këmbët e kryqëzuara për t’u vetëmbrojtur.
55% e bisedës sonë është joverbale dhe krahët dhe këmbët janë pjesë e madhe e saj. Kryqëzimi i krahëve mund të nënkuptojë mbrojtje ose vetëmbrojtje, ndërsa kryqëzimi i këmbëve mund të tregojë siklet ndaj dikujt. Shenjat delikate si zgjerimi i tepërt i krahëve mund ta bëjnë gjithashtu një person të duket më manipulues dhe komandues.
5. E teprojnë me gjestet me duar.
Është mirë të përdoren gjestet e duarve kur flisni me të tjerë. Kjo i ndihmon njerëzit të theksojnë pikat e tyre kryesore dhe i mban të tjerët të angazhuar në bisedë. Megjithatë, ashtu si me çdo gjë tjetër, nuk duhet tepruar me gjestet e duarve. Një hulumtim i kryer në vitin 2015 zbuloi se njerëzit që bëjnë gjeste duke përdorur të dyja duart mund të jenë gënjeshtarë. Përdorimi i tepërt i gjesteve të duarve e bën një person më pak të besueshëm, sidomos kur gjestet e tyre nuk përputhen me fjalët dhe mund të japin përshtypjen se nuk e dinë se çfarë po thonë.
6. Zëri i tyre ndryshon ndërsa flasin me ju.
Kushtojini vëmendje ndryshimeve të zërit gjatë bisedave. Gënjeshtarët shpesh kalojnë nga zërat normalë në një zë më të lartë se njerëzit e ndershëm. Megjithëse toni i lartë ose ndryshimi i zërit nuk garantonë se ata gënjejnë, një zë i lartë i shoqëruar me me shenja të tjera të përmendura më lart mund t’ju ndihmojë të vendosni nëse duhet t’i besoni dikujt.
