Një numër fëmijësh në Spanjë kanë pasur rritje anormale të flokëve të ngjashme me “sindromën ujk” pas mjekimit me ilaçe të gabuara. 17 raste janë raportuar në Cantabria, València dhe Granada. Simptomat u zhvilluan tek fëmijët pasi morën ilaç për stomakun që përmbante përbërës për trajtimin e alopecisë, mungesën e flokëve. “Balli, faqet, krahët, këmbët dhe duart e djalit tim janë mbushur me flokë, është shumë e frikshme,”-tha një nënë.

Ilaçi që përmbante minoxidil, një përbërës që stimulon rritjen e flokëve, ishte shpërndarë nga një kompani farmaceutike në rajonin Malaga të Spanjës. Të mërkurën, Ministria e Shëndetësisë e Spanjës tha se një pjesë e ilaçeve ishin etiketuar gabimisht dhe ishin përzier me ilaçin minoxidil.

Qendra e shpërndarjes së kompanisë farmaceutike është mbyllur ndërsa hetimi vazhdon. Simptomat e fëmijëve pritet të përmirësohen brenda disa javësh pasi flokët e tepërt ti bien.