Sokol Cikalleshi nuk i ka shpëtuar kuriozitet për të provuar edhe ai një herë gatimet e famshme të kuzhinierit Nusret Gokce në Dubai.
Sulmuesi i Kombëtares po përfiton nga kjo periudhë pushimesh dhe ka shkuar në drejtim të restorantit të kuzhinierit më të famshëm në botë për të provuar një biftek që kushton 1200 euro dhe është i larë në ar.
Cikalleshi ka zgjedhur rrjetet sociale për të publikuar videon me “Salt Bae” e famshme, teksa ka provuar edhe ai vetë për të nxjerrë kripën në mënyrë të veçantë mbi biftek.
Në kohët e fundit, të shumtë janë futbollistët që kanë zgjedhur të vizitojnë këtë restorant, pavarësisht shpenzimeve të shumta.
Ndërkohë, shpesh herë kanë qenë prezente edhe polemikat dhe ofendimet. I tillë ishte rasti i Frank Riberi që ofendoi komentuesit që e kishin kritikuar, madje duke i sharë edhe me libër shtëpie e nga gjyshja.