Për të pasur një ditë me energji të duhur, ju duhet të hani edhe një mëngjes të mirë. Ngrënia e një mëngjesi të bollshëm është ideal për të ruajtur gjendjen e mirë shëndetësore, në tëkundërt, mund të rrisë urinë dhe nervozitetin, duke çuar në ngrënie të gabuar dhe mbipeshë. Njëra nga recetat më të preferuara për mëngjes është ‘Pica mëngjesi’.
Përbërësit:
230 gr brumë (pice, në temperaturën e dhomës),
1/3 filxhan çaji vaj ulliri (ekstra i virgjër),
1 filxhan çaji domate (të freskëta, të copëtuara),
1/2 filxhan çaji pançetë (ose proshutë e copëtuar, e tiganisur derisa të jetë bërë krokante),
1/3 filxhan çaji ullinj të zinj (ose jeshilë, të copëtuar),
2 vezë (të mëdha),
1/2 filxhanë çaji djathë parmixhano (ose Pecorine të thërmuar),
1/4 filxhan çaji ajkë (qumështi),
3 lugë gjelle borzilok (të freskët, të copëtuar), piper i zi (i trashë). Përgatitja: Nxehni furrën paraprakisht në 230 gradë C. Shtrijmë brumin me dorë në një rreth të trashë 31-36 cm dhe e vendosim në tepsi pjekjeje që e kemi pluhurosur lehtë me miell misri.
Lyejmë mirë me vaj ulliri pjesën e sipërme të brumit të picës dhe pastaj hedhim sipër domate, pancetta (ose proshutë) dhe ullinj. Në një tas të vogël rrahim së bashku vezët, djathin dhe ajkën dhe pastaj i hedhim mbi brumin e picës duke i shpërndarë në mënyrë të barabartë me pjesën e pasme të lugës.
Rregullojmë borzilokun mbi përzierjen e vezës dhe i pjekim derisa të bëhet krokante dhe të marrë ngjyrë kafe të lehtë, rreth 15 deri në 20 minuta. E spërkasim sipër me piper të zi të trashë, e presim në copa dhe e shërbejmë menjëherë. Përgatitja e kësaj pice zgjatë 35 minuta.