fbpx
Lajme

100 shtete bëhen bashkë për të prekurit nga tërmeti në Shqipëri

Javën që vjen, më 17 shkurt në Bruksel është planifikuar të zhvillohet Konferenca e Donatorëve për të prekurit nga tërmeti i 26 nëntorit në Shqipëri.

Sipas përllogaritjeve të qeverisë, dëmi i shkaktuar nga tërmeti është rreth 980 milionë dollarë, teksa qeverisë do t’i duhen për rindërtim rreth 1.1 miliardë dollarë.

Konferenca do të jetë e organizuar dhe drejtuar nga Presidentja e Komisionit Europian, Ursula Von der Leyen.

Më herët sot ishte vet Rama që konfirmoi pjesëmarrjen e Kanadasë dhe Kuvajtit në konferencë. Pjesë e donatorëve do të jenë edhe Banka Botërore me Fondin Monetar Ndërkombëtar si dhe organizata të tjera

Nën moton “Bashkë për Shqipërinë”, zëdhënësja e KE-së, Dana Spinant ka zbuluar detaje të tjera. Në konferencë do të jenë të pranishëm përfaqësues nga 100 shtete të paktën.

“Në orën 14:15 Presidentja e Komisionit Evropian dhe kryeministri Edi Rama do të nënshkruajnë programin për mbështetjen e Shqipërisë lidhur me rindërtimin me një vlerë prej 15 milionë euro. Presidentja e Komisionit Evropian do të hapë konferencën së bashku me kryeministrin Edi Rama dhe presidentin e Këshillit Evropian Charles Michel në 14:30.

Komisioneri për Zgjerimin Olivér Várhelyi do të hapë dhe mbyllë sesionin e angazhimeve të donatorëve në këtë konferencë, ndërkohë që komisioneri Janez Lenarčič do të bëjë vlerësimin e nevojave lidhur me dëmet e tërmetit. Në përfundim të konferencës së donatorëve, presidentja Von der Leyen dhe kryeministri Edi Rama do të mbajnë një konferencë për shtyp” tha zëdhënësja.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button