Lajme

11 të mbytur deri tani në plazhe/ Protestë para ministrisë Turizmit

11 persona janë mbytur këtë sezon turistik dhe kjo ka zgjuar reagimin publik.

Nisma “Thurje” do të protestojë këtë të premte para ministrisë së Turizmit për jetët e humbura që sipas tyre janë shkaktuar prej mungesës së vrojtuesve.

Mes 11 viktimave, janë dhe 4 fëmijë të mitur.

Nisma “Thurje” thotë se do të kërkojë kërkojmë heqjen e licensave për subjektet që nuk kanë roje detare sipas Nenit 7 të V.K.M-së ose largimin e ministres Mirela Kumbaro.

“11 qytetarë janë mbytur nga papërgjegjshmëria e institucioneve, mes të cilëve 4 fëmijë të mitur. Ndonëse e kanë detyrim ligjor vendosjen e rojeve të plazhit në distancën 80m, ligjet që vetë firmosin nuk i zbatojnë.

Ne nuk kemi nevojë për heronj 18-vjeçarë që humbasin jetën se në plazhe nuk ka vrojtuesë. Sa njerëz duhet të mbyten që institucionet të reagojnë?

Do të jemi përpara Ministrisë së Turizmit për të kërkuar heqjen e licensave për subjektet që nuk garantojnë siguri, ose të largohet ministrja që këto ditë e ka mendjen të bëj fushatë” – thuhet në njoftim.

Artikuj të ngjashëm

Leave a Reply

Your email address will not be published. Required fields are marked *

Back to top button
Close