Banoret e fshatit Gungas në njesine administrative Gradishtë të Bashkisë Divjakë janë tepër të indinjuar për mungesën e ujit të pijshëm. Kryeplaku i fshatit Gaqi Sema, foli për kamerën e Fax Neës duke treguar se prej vitesh janë në këtë gjendje dhe rreth 120 familje me 560  banorë janë lënë në mëshirë të fatit pa ujë të pijshëm.

“Ka vite që në këtë fshat mungon Ujësjellësi. Kemi bërë kërkesë në Bashki, në pritje jemi dhe fjala na është dhënë. Banorët e kanë tepër të nevojshme, fshati është i lënë pas dore dhe është tepër e nevojshme për të pasur një ujësjellës të rregullt. Fshati jonë ka 120 familje, rreth 560 banorë. Për të përballuar nevojat e përditshme, është zgjidhur nëpërmjet boteve të ujit për të pirë. Ndërsa për të gatuar, me puset që kanë familjet”, u shpreh Sema.

I pyetur se cfarë ndodhi me tubacionin që u shtrua më parë, kryeplaku shtoi se “Ka qenë një firmë angleze që kontribuoi për ujësjellësit, u bënë rrëmujat e shtetit dhe kjo nuk funksionon. Apeli jonë është që të bëhet sa më shpejt një ujësjellës që të jetë në funksion të komunitetit.”

Ndërsa banorët janë shprehur se udhëtojnë nga mëngjesi deri në drekë me gomar për të siguruar ujë të pijshëm nga fshati Babunje për fëmijët e tyre. “E kemi shumë problem. Kam 20 vite që kam ardhur këtu dhe nuk ka ujë të pijshëm. Ikim me karrocë të gomarit, ikim në mëngjes, vijmë në orën 2 cdo ditë. Cfarë të bëjmë, kjo është mundësia jonë”, u shpreh një banore.

Ndërsa një tjetër shtoi: “Kam 55 vite këtu, pikë uji nuk ka. Për të pirë e blejmë. 100 mijë herë kanë ardhur ata të Bashkisë dhe nuk kanë bërë asgjë. Vijnë sa marrin votat tre ditë para se të bëhen votimet dhe ikin e as ujë, as drita, as rrugë. Dritat i kanë vënë shtyllat një kur lind, një kur perëndim. Ujë s’kemi. Shumica nuk kanë që ta blejnë nga boti. Pijnë ku ta gjejnë në 135ezma. Është sa të duash larg, 2-3 orë me gomar.”(A.M/Faxweb.al)