Categories Lajme

2-vjeçari shqiptar që nuk figuron askund

“Stop” u ndal në Mamurras për një problematikë që shqetëson familjen Hani. Bëhet fjalë për mosregjistrimin e fëmijës së tyre tashmë 2 vjeç, i cili ka lindur në Francë.

Pashk Hani tregon se djali i tij prej dy vitesh jetonte në Francë. Kur u kthyen nga Franca kërkuan të regjistronin fëmijën, por në dokumente nuk kishin Vulën Apostile.

“Kam pasur fëmijën në Francë. Me 3 Mars 2019 më ka lindur nipi. Në Korrik kthehet djali dhe nusja. Prej dy vjetësh kanë jetuar në Francë. Kanë jetuar pa dokumente. Erdhën këtu dhe thoshin për të regjistruar fëmijën duhet të shkoj në komunë dhe të dorëzoj letrat. Komuna thotë duhet një vulë dhe atë vulë nuk e kishim ne. Këta për të shkuar në Francë për herë të dytë, nuk jemi duke shkuar në Fushë-Krujë”, tha ai.

Hani thotë, se fëmija është tashmë 2 vjeç dhe nuk ka bërë asnjë vaksinë.

“Fëmija për të bërë vaksinat nuk ka asnjë emër kurrkund. Nipi është 2 vjeç në Mars mbush 3 vjeç. Nuk është regjistruar. Asnjë lloj zgjidhje. Është virusi, pas virusi nuk merret kush me letrat. Kërkojmë ndihmën tuaj që të na regjistrohet nipi”, tha gjyshi i fëmijës.

“Stop” iu  drejtua Bashkisë Mamurras dhe aty na thanë, se nuk ka zgjidhje nga Drejtoria e Gjendjes Civile për këto raste, por është vetëm një shoqatë, që i bën veprimet falas.

Punonjësja: E kanë sjellë pa Vulë Apostile dhe në pamundësi për të shkuar atje, ne ia kemi dërguar asaj shoqatës ligjore, që ndihmon falas.

Gazetarja: Po me drejtorinë e Gjendjes Civile, keni komunikuar ju?

Punonjësja: Jo, se do Vulën Apostile. Ky nuk ka mundësi, që të shkojë ta marrë atje.

Gazetarja: E kuptoj, që ai nuk e ka dhe duhet patjetër. Por ideja është, çfarë zgjidhje ofrohet tani për të regjistruar fëmijën?

Punonjësja: Jo, nuk regjistrohet, po nuk qe dokumenti i kompletuar.

Gazetarja: Të paktën duhet të ngrihet si problematikë, sepse nuk është rasti i vetëm.

Punonjësja: Është në dijeni drejtoria për këtë..

Gazetarja: Edhe nuk kanë ofruar asnjë zgjidhje?

Punonjësja: Për këtë rast vetëm kjo shoqata, se drejtoria nuk shkon dot në Francë, Gjermani…/tvklan.al

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME
Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME