Kryeministri Edi Rama ka publikuar foto nga homazhet e mbajtura sot për 21 janarin, ku të vrarë mbetën katër persona. Rama shkruan se e vërteta e asaj ngajrje dihet botërisht dhe se një fakt i ri rrënqethës ka dalë në dritë, duke iu referuar një mesazhi audio të publikuar nga gazetari Artan Hoxha, i cili pohon se të shtënat ndaj turmës nisën me urdhër nga lart.
“Homazhe në pritjen e pafundme që drejtësia të bëjë drejtësi, ndërkohë që e vërteta dihet botërisht dhe një fakt i ri rrëqethës sapo ka dalë në dritë…”, shkruan Rama. Më tej Rama ka zhvilluar një bashkëbisedim me familjarët e katër viktimave në ambientet e Kryeministrisë.
Kujtojmë se nga protesta e 21 janarit në vitin 2011 humbën jetën Aleks Nika, Ziver Veizi, Faik Myrtaj dhe Hekuran Dedja. Në vitin 2021, ata u shpallën “Dëshmorë të Atdheut”.