Categories Lajme

27-vjeçari erdhi enkas nga Italia për të surprizuar familjën dhe për të marrë pjesë në dy dasma, ndërron jetë në aksidentin në “Bishtin e Zhurit”

Udhëtimi surprizë për familjarët u kthye në tragj edi. Festim Meçja është i riu 27 vjeç që u nda nga jeta ditën e djeshme vetëm pak kilometra larg banesës së tij në Sinaballaj të Rrogozhinës, ku mezi priste të takonte familjarët që do t’u shfaqej surprizë.

Por parakalimi i gabuar dhe humbja e kontrollit të mjetit i automjetit tip ‘Benz’ që drejtonte të përfundonte i shndërruar në hekurishte, poshtë rrotave të kamionit.

Ai mbeti i bllokuar për rreth një orë në mjet derisa u bë e mundur nxjerrja e trupit të pajetë. Ndërsa shoferi i kamionit, i identifikuar si I.C., nuk pësoi dëmtime të mëdha.

Që nga momenti i ngjarjes që ndodhi dje u deshën shumë orë që të mësohej identiteti i tij dhe detaje mbi ngjarjen.Ai ishte nisur për në Shqipëri nga Parma në Itali, ku jetonte e punonte prej kohësh si punonjës në një sipërmarrje private që të merrte pjesë në dy gëzime familjare.

Ai nuk donte të humbiste martesat e të afërmve të fisit dhe nuk vuri askënd në dijeni për kthimin në atdhe pas një viti. Festimi që nuk mbërriti i gjallë tek të afërmit e tij kishte emigruar për të ndihmuar familjen me probleme ekonomike. 27-vjeçari la pas vëllain që punonte ashtu si ai në Itali, nënën që vuante nga probleme shëndetësore, motrën që duhet të ndiqte studimet dhe babain që mundohej të nxirrte të ardhura me punë fshati.

Festim Meçja u nda nga jeta prej pakujdesisë, thonë hetimet e para. Ai humbi kontrollin e mjetit dhe përfundoi nën rrotat e kamionit pikërisht në kthesën ku do të hynte për të takuar familjarët për të cilët kishte mall, ashtu si çdo person që emigron për një jetë më të mirë larg familjes.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME
Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME