Lajme

30-vjetori i RENEA-s, ish-efektivi: Na kanë shfrytëzuar keq pa marrë asgjë në këmbim

Me rastin e 30-vjetorit te krijimit të RENEAS diten e sotme ne nje ceremoni u renditën arritjet e këtij reparti, por ish-efektivi Shkëlzen Brahaj duket se ka jo pak rezerva ndaj drejtuesve. Me një postim në rrjetet sociale Brahaj thotë se efektivët e këtij reparti janë shfrytëzuar ‘në mënyrë kafshërore’ dhe se rroga që marrin është e pamjaftueshme.

Sipas Brahajt, RENEA është përdorur nga drejtuesit, duke akuzuar se shpeshherë e kanë përdorur edhe si katapultë për t’u emëruar në detyra të tjera.

Postimi i plotë: Mirëpo i pakënaqur shprehet efektivi i RENEA-s, Shkëlzen Brahaj, i cili si duket nuk është ftuar për të qenë pjese e ceremonisë të 30-vjetorit.

Ai me anë të një postimi në rrjetet sociale me ironi shkruan se thirren në “dasmë” vetëm ata që dinë të “kërcejnë”.

“30 vjet nga krijimi i repartit special RENEA. Askush më mirë se ata djem të atij Reparti nuk e di se çfarë do të thotë 30 vite forcë speciale, 30 vite sakrificë në të gjitha aspektet njerëzore dhe profesionale.

Nuk mjaftojnë as 300 vite të flasësh për heroizmat dhe sakrificën e atyre djemve të atij Reparti, por duhen 500 vite të flasësh për ligësitë dhe padrejtësitë qe u janë bërë atyre djemve duke i shfrytëzuar maksimalisht në mënyrë shtazore pa u dhënë asgjë në këmbim, pervec një page qesharake që gjysmën e lënë duke u paraqitur në detyrë orar pa orar.

Dhe persekutimi vazhdon….Do te theksoja që ai repart është mbajtur nga energjia dhe vullneti i çdo pjesëtari(trupe speciale), por është shkelur me këmbë djersa dhe gjaku i tyre nga drejtues të atij reparti (te pamerituar në atë post) të cilin shpeshherë e kanë përdorur për katapultë në detyra të tjera.

Komandantë reparti që të shohin si “pronë të tyre” ku dhe në rastin e kësaj feste nuk e marrin mundimin që djem që kanë shërbyer me dekada në atë Repart dhe  me kontribut “vetëmohues” në atë repart nuk marrin as ftesë për këtë feste ku kane gjithë jetën e tyre me të mirat dhe të këqijat e kësaj jete.

Drejtuesit aktual të cilët njihen si (15 xhirot rreth fushës) duket që e paskan privatizuar këtë repart dhe në këtë ditë shumë të rëndësishme të 30 vjetorit të krijimit te RENEA-s thërrasin në “dasmë” vetëm ata që dinë të kërcejnë. Publikisht u them se duhet tju vij turp kur mburreni me gjakun e heronjve të RENEA-s dhe se historia mund të keqinterpretohet por kurrë, të fshihet. Lavdi dëshmorëve të rënë në krye te detyres,Respekt heronjve të gjallë (trupe operacionale) Neveri drejtuesve të atij Reparti Elite. Shqipëria e Shqiptarëve” shkruan ai në postimin e tij.

Artikuj të ngjashëm

Leave a Reply

Your email address will not be published. Required fields are marked *

Lexo edhe:

Close
Back to top button
Close
%d bloggers like this: