fbpx
Lajme

36 shkronjat tona të arta… Alfabeti Shqip mbush sot 112 vjeç

Sot është dita e Alfabetit Shqip, i cili u unifikua 112 vite më parë në Kongresin e Manastirit, që u zhvillua nga 14 nëntori deri më 22 të vitit 1908. Në Kongres morën pjesë 50 delegatë nga 26 qytete shqiptare, ku u ra dakord që gjuha shqipe do të bazohej në alfabetin latin me disa ndryshime të shkronjave, duke i adaptuar ato në gjuhën shqiptar.

Në Manastir asokohe ishin të pranishëm intelektualë nga të gjitha trojet, pasi qyteti njihej si “vendi i konsujve”. Kryetar i Kongresit ishte Mithat Frashëri, kurse nënkryetarë ishin Luigj Gurakuqi dhe Gjergji Qiriazi, ndërsa motra e tij Parashqevi Qiriazi, ishte gruaja e vetme në këtë Kongres.

Kongresi i Manastirit cilësohet si ngjarja më e rëndësishme për kombin shqiptar në fillimin e shekullit të XX-të, pa u shpallur ende pavarësia. Në Maqedoninë e Veriut, për shqiptarët kjo është ditë feste, ndërsa në Manastir gjendet Muzeu i Alfabetit të Gjuhës Shqipe, që përmban 36 gërma.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button