Një 37-vjeçar shqiptar në Verona të Italisë ka rënë në prangat e policisë, pasi i është gjetur 10 kg kokainë në shtëpi. Bëhet fjalë për shtetasin Jorlando Lamaj, i cili ishte i vetëpunësuar dhe merrej me shitjen e makinave përmes internetit në Veneto.

Mediat vendase raportojnë se në momentin ku është ndaluar nga policia, 37-vjeçarit i është gjetur një zarf me para brenda të cilit kishte 24 mijë euro. Kur u pyet për burimin e tyre, Lamaj u tha efektivëve se paratë i kishte fituar nga shitja e makinave. Mirëpo policia dyshoi për këtë version nga ana e tij. Nisur nga këto dyshime, policia vendosi të kontrollonte banesën e 37-vjeçarit. Gjatë kontrollit atij iu gjet një sasi kokaine prej 10 kg të cilën e kishte paketuar dhe bërë gati për ta shitur.