Eshtë raportuar gjesti hero i 7-vjeçarit në Florida i cili ka shpëtuar jetën e motrës dhe babait të tij. Mediat ndërkombëtare shkruajnë se fëmija notoi mbi një orë për të kërkuar ndihmë pasi motra dhe babai i tij u tërhoqën nga një rrymë.

Mësohet se Steven Poust ankoroi varkën e tij në lumin St. Johns në Jacksonville, që dy fëmijët e tij, Chase dhe Abigail të notonin, por vajza e tij u tërhoq nga rryma, e cila ishte shumë e fortë.

Për ti ardhur në ndihmë, babai zhytet për ta ndihmuar po rryma i mori të dy. Këtu “futet” në skenë i mituri i cili notoi për një orë për të arritur në breg. Sapo preku tokën, ai vrapoi në shtëpinë më të afërt për ndihmë.

Ndërkaq, babai dhe motra e tij ishin rreth 3-4 km larg vendndodhjes së varkës dhe u shpëtuan nga Departamenti i Shpëtimit dhe Zjarrit në Jacksonville. “Ne jemi të lumtur të themi që të tre janë rikuperuar dhe janë mirë. Ne nuk mund të kërkonim një rezultat më të mirë.”, deklaruan autoritetet.