Lajme

9,300 rrufe të shoqëruara me rreshje masive godasin Spanjën lindore, tre viktima dhe dëme të konsiderueshme materiale (VIDEO)

Shirra të rrëmbyeshëm kanë goditur pjesë të Spanjës lindore dhe ishujve Balear.

Rreshjet e dendura kanë dëmtuar shumë rrugë, ka patur ndërprerje të energjisë elektrike kurse shërbimi hekurudhor dhe ai ajror kanë ndërprerë punën.

Sipas Institutit Meteorologjik spanjoll, periferia e kryeqytetit Madrid gjatë natës së mbëmshme u godit nga më shumë se 9,300 rrufe të shoqëruara me rreshje, si pasojë e të cilave u përmbytën mjaftë bodrume, ndërtesa dhe supermarkete.

Isabel Díaz Ayuso, presidenti i rajonit të Madridit, tha se zjarrfikësit kishin trajtuar me ndihmë më shumë se 2000 raste që gjendeshin në rrezik.

Një nga zonat më të goditura në Spanjë ishte qyteti Arganda del Rey, ku është llogaritur se në një metër kartor sipërfaqe u derdhën 46.4 litra reshje.

Nga rreshjet e mëdha, lumi Cidacos në qytetin Navarra, e rriti nivelin e tij me 11 cm brenda 4 orëve, duke dalë nga shtrati dhe përmbytur rrugë, makina e gjithçka gjeti përpara, duke gjithashtu shkaktuar një viktimë, trupi i të cilit u gjet sot në mëngjes brenda makinës së tij të përmbysur.

Në Almeria janë regjistruar edhe dy viktimat të tjera. Trupat e dy vëllezërve të moshës 51 dhe 61 vjeç, u gjendën brenda makinës së tyre, të cilën  ujrat e rrëmbyeshëm e kishin shpërngulur afër Albacete.

Ekipet e ndihmës së shpejtë prej tre ditësh ndodhen në terren për tju ardhur në ndihmë banorëve, shumë prej të cilëve kanë humbur gjithçka.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button