Lajme

Adi Krasta kërkon pasaportën e Kosovës ‘live’ në emision: Nuk di kujt t’ia kërkoj

Moderatori dhe gazetari Adi Krasta, ka dhënë një intervistë për televizionin Koha në Kosovë. Krasta ishte i ftuar në programin e Ron Gjinovcit, ku foli për një sërë çështjesh.

“Nuk zhgënjehem më nga një grupim faqezinjsh, që e udhëheqin për momentin Shqipërinë,” tha Krasta. I pyetur se a u pëlqejnë shqiptarëve liderët autoritarë, Krasta tha: “Shqipëria meriton qeverisjen që ka”.
Krasta u ndal gjatë edhe te çështja e bashkimit kombëtar. “Nuk flitet për bashkimin në mënyrë folklorike, duhet folur në mënyrë pragmatiste,” tha Krasta. “Edi Rama dhe Kurti janë të parëndësishëm në një bashkim të mundshëm të Shqipërisë me Kosovën,” shtoi gazetari. “Nuk di kujt t’ia kërkoj pasaportën e Kosovës, me shumë krenari do ta merrja bashkë me familjen,” tha Krasta.

Gjatë emisionit ai u përgjigj edhe shumë pyetjeve të tjera për aktualitetin në Shqipëri dhe Kosovë. Krasta foli edhe për gazetarinë, duke treguar se cili është modeli i një gazetari të mirëfilltë. Moderatori e kishte një porosi edhe për gjeneratat e reja: “Nuk është gjithçka Fifi dhe Mumajesi”, tha Krasta. Në fund, prezantuesi Rron Gjinovci e përqafoi Adi Krastën dhe e dekoroi me flamurin e Kosovës.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: