Një aksident ka ndodhur mëngjesin e sotëm në aksin nacional Korçë-Pogradec, kryqëzimin e fshatin Leminot. Një mjet tip “Benz” i ka prerë rrugën një furgoni udhëtarësh me targa Elbasani.
Nga përplasja, “Benzi” ka përfunduar në anën tjetër të rrugës, ndërkohë që është lënduar drejtuesi i mjetit, si dhe kanë pësuar tronditje pasagjerët e furgonit. Policia ka mbërritur në vendngjarje dhe po punon për të zbuluar dinamikën e këtij aksidenti.