Një aksident rrugor ka ndodhur mesditën e kësaj të hëne në Fier, ku si pasojë është lënduar një persona. Burime për abcnews.al bëjnë me dije se ngjarja ka ndodhur në fshatin Plyk të Fierit, ku si pasojë e përplasjes një makinë ka dalë nga rruga. Ndër të tjera mësohet se fatmirësisht nga aksidenti ka marrë plagë të lehta vetëm një person i cili ndodhet në spital nën kujdesin e mjekëve.

Njoftimi i policisë: Sot rreth orës 11:55, në aksin rrugor Fier-Kraps, është përplasur mjeti tip “Ford” me drejtues shtetasin A. K., 27 vjeç, me mjetin tip “Toyota” me drejtues shtetasin P. B. Si pasojë e përplasjes është dëmtuar drejtuesi i mjetit tip “Toyota” cili ndodhet në spitalin e Fierit nën kujdesin e mjekëve. Grupi hetimor po punon për zbardhjen e plotë të kësaj ngjarje.