Unione Sindacale di Base dhe Rete Iside në Itali vazhdojnë të monitorojnë vdekjet në punë dhe në vitin 2023 situata po bëhet më e rëndë dita ditës.

Sipas medieve italiane, e enjtja e 13 prillit shënoi 12 viktima në punë. Mes tyre edhe një 57-vjeçar shqiptar.

Në repartin e djegieve të spitalit të Padovës, nga plagët e shkaktuara nga një shpërthim ka humbur jetën një punëtor shqiptar 57-vjeçar.

Vdekja ndodhi më 5 prill, por lajmi u dha vetëm pas një jave.

Mediet italiane shkruajnë se këto vdekje ndjekin një rrjedhje të përditshme: Në Itali të vdesësh nga puna është bërë një gjë tragjikisht “normale”.

Akoma më keq nëse punëtori është i huaj dhe i nënshtrohet shantazheve të vazhdueshme nga burokracia, gjë që çon në pranimin e kushteve të pahijshme të punës