Një aksident fatal u shënua mbrëmjen e djeshme tek Rruga e Kombit, në aksin rrugor Milot-Rrëshen, ku ka humbur jetën një njeri. Viktima është Armand Xhaferri, 31 vjeç. Ai vdiq pasi një mjet tip trajleri u përplas me makinën e tij “BMW”.
Në këtë aksident u përfshi dhe një makinë e tretë. Xhaferri ndodhej vetëm në makinë në momentin e aksidentit. Trupi i tij i pajetë qëndroi në makinë për 30 minuta pas përplasjes së fortë. Ende nuk dihen rrethanat e aksidentit, ndërsa policia ka shoqëruar drejtuesit e dy mjeteve të tjera që u përfshinë në aksident.