Një aksident tragjik ka ndodhur mbrëmjen e kaluar në Pescia të Italisë, ku ka mbetur i vdekur një 33-vjecar me origjinë shqiptar, i identifikuar si Nertil Ferhati. Ai ishte pasagjer në një automjet tip Alfa Romeo 147, i cili u përplas me një automjet tjetër tip Dacia Duster.
Edhe gruaja 54-vjecare që po drejtonte automjetin “Dacia” ndërroi jetën në vendin e ngjarjes. Të dy viktimat ishin banues në Pescia. Forcat zjarrfikëse arritën në vendin e ngjarjes dhe bënë të mundur nxjerrjen e trupave pasi prenë llamarinat e automjeteve. Mësohet se ka ndodhur përplasje kokë më kokë midis dy makinave, por mbetet e paqartë se cfarë e ka shkaktuar aksidentin tragjik.