Një grua raportohet se ka ndërruar jetë paraditen e kësaj të shtune në “Rrugën e Kombit”, si pasojë e një aksidenti rrugor. Ngjarja ka ndodhur pak më parë dhe detajet janë të pakëta, shkruan newsbomb.al.

Përplasja që ka rezultuar fatale për gruan, ka ndodhur në aksin Fushë Milot-Rrëshen në afërsi të Milotit. Shërbimet e Policisë janë nisur drejt vendngjarjes sapo kanë marrë njoftim.

Në afërsi të një karburanti, automjeti me drejtuese shtetasen B.Lleshi, është përplasur me automjetin me drejtues shtetasin J.L. Si pasojë e përplasjes së fortë,, ka marrë dëmtime dhe është transportuar në spitalin e Traumës shtetasja Gjelina Lleshi. Fatkeqësisht, 65 vjeçarja pasagjere në mjet  ja ndërruar jetë për shkak të plagëve të marra.