Klevis Ruçaj i riu që shkaktoi aksidentin e rëndë një natë më parë në mbikalimin e Saukut e kishte demonstruar edhe në rrjetet sociale pasionin e tij për shpejtësinë.
Në rrjetin social Tik-Tok, pak kohë më parë Ruçaj kishte publikuar një video ku shfaqej duke i dhënë automjetit me një dorë.
Krahas videos ai shkruante:” Mos u shqetësoi kur i jap makinës me një dorë, shqetësohu kur i përdor të dyja”.
Në pjesën e dytë të videos ai merr drejtimin e automjetit me të dyja duart dhe nis të udhëtojë me një shpejtësi të frikshme.
Ruçaj mbeti viktimë nga aksidenti pasi makina që drejtonte ai fluturoi nga mbikalimi duke u përplasur me një automjet tjetër.
Nga aksidenti humbën jetën edhe dy vajzat që udhëtonin bashkë me të. Ndërkohë në makinën tjetër udhëtonin tre persona të cilët kanë mbetur të plagosur.
Zbardhen emrat e dy viktimave të aksidentit të djeshëm te Mbikalimi i Saukut.
Përveç shoferit të Audit Q8, Klevis Ruçaj, 20 vjeç, kanë humbur jetën dhe Eriselda Abedini, 22 vjeçe dhe Sikela Përroi, 23 vjece, të dyja banuese në Tiranë.
Vajzat ishin në makinën Audi, me 20-vjeçarin nga Fieri Klevis Ruçaj.
Burimet bëjmë me dije se nga hetimi paraprak ka rezultuar se mjeti Audi lëvizte me shpejtësi mbi 260 km/h.
Ndërkohë mësohet se i riu që e drejtonte ishte pajisur me leje drejtimi në vitin 2021, pra në moshën 18-vjeçare.
