Lajme

Aksidentohet kalimtarja në Durrës, shoferi largohet nga vendngjarja

Një grua ka mbetur e plagosur pasditen e sotme në Durrës, ndërsa drejtuesi i mjetit është larguar nga vendi i ngjarjes. Aksidenti u regjistrua në lagjen nr.11 në qytetin bregdetar.

Kalimtarja, identiteti i të cilës nuk bëhet i ditur, ka marrë disa plagë në trup, ndërsa është transportuar me urgjencë në spitalin e Durrësit. Sipas dëshmitarëve, e plagosura fliste italisht, ndërsa dyshohet se është shtetase italiane.

Po sipas tyre, ka dyshime se në timon ka qenë një djalë i ri, i cili pas aksidentit është larguar bashkë me mjetin me shpejtësi. Mësohet se kalimtarja është jashtë rrezikut për jetën. Aktualisht policia po heton në lidhje me ngjarjen.

Burime zyrtare bënë me dije se e plagosur mbeti një këmbësore rreth 70 vjeçe, e cila ndodhet nën kujdesin e mjekëve.

Shërbimet e Policisë menjëherë kanë bërë të mundur identifikimin dhe bllokimin e mjetit të dyshuar si dhe identifikimin e autorit dhe vijon puna për kapjen e tij. Grupi hetimor po vijon punën për zbardhjen e rrethanave të aksidentit.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: