Alfred Trebicka gjatë intervistës së tij në News24, foli edhe për prishjen e teatrit. Kujtojmë se në fillim ai ishte kundër kësaj kauze, duke protestuar me ditë të tëra, ndërsa sot ai ka ndërruar “Unë jam pozicionuar fillimisht te ata që ishin për ta mbrojtur teatrin, historinë e tij etj. Por erdhi një moment realisht duke menduar për fenomenin, për kushtet që kishte ai teatër dhe çfarë ofronte jam me idenë për të ndërtuar teatrin e ri. Dua ta qartësoj këtë moment pasi janë krijuar alibi të ndryshme, polarizimi i fenomeneve këtu te ne është si ushqim pa të cilin nuk jetojmë dot. Por kauza e teatrit përdor edhe sot në fushatë dhe kjo mua nuk më pëlqen”, tha ai.