Categories Lajme

AMA prioritet mbrojtjen e fëmijëve e gazetarëve, Krasniqi takon Përfaqësuesen e Lartë të OSBE, Teresa Ribeiro

Kryetarja e Autoritetit të Mediave Audiovizive, Armela Krasniqi u prit në një takim nga Përfaqësuesja e Lartë për Lirinë e Medias në OSBE, Teresa Ribeiro.

Gjatë këtij takimi Krasniqi foli për vizionin që do të udhëheqë veprimtarinë e saj në krye të AMA-s.

Duke u ndalur tek shtyllat kryesore, ajo vlerësoi mbrojtjen dhe të drejtat e fëmijëve, mbrojtjen e gazetarëve, të drejtat e autorit, transpozimin e direktivës AVMS 2018/1808 të BE-së dhe çështje të tjera në hapësirën mediatike të cilat kërkojnë vëmendje.

Krasniqi dhe Ribeiro diskutuan mbi vijimin e bashkëpunimit, për të cilin kreu i RFoM priti me kënaqësi ftesën për të qenë në Tiranë në zyrat e AMA-s dhe kudo ku kërkohet kontributi i institucionit që ajo drejton.

Kryetarja e Autoritetit të Mediave Audiovizive u shoqërua në këtë takim nga kreu i Misionit të Përhershëm të Republikës së Shqipërisë në Vjenë, ambasadori Igli Hasani.

Ndërkaq edhe OSBE ka publikuar në faqe zyrtare detaje rreth takimit të Përfaqësueses së OSBE-së për Lirinë e Medias, Teresa Ribeiro, me Armela Krasniqin, kryetaren e sapozgjedhur të Autoritetit shqiptar të Mediave Audiovizive (AMA).

“Krasniqi e informoi përfaqësuesen për punën e AMA-s, disa sfida me të cilat përballet sektori i medias në Shqipëri dhe vizionin e saj të ardhshëm për aktivitetet e ardhshme dhe bashkëpunimin me grupet e interesit të medieve lokale. Ribeiro theksoi se një rregullator i pavarur dhe i fortë, me një model të qëndrueshëm të financimit, është jetik në mënyrë që të kryejë punën e tij të rëndësishme në një mënyrë efektive dhe të përgjegjshme”, theksohet në njoftimin zyrtar të OSBE-së.

Përfaqësuesja foli gjithashtu për Konferencën vjetore të medieve të OSBE-së në Europën Juglindore, që do të zhvillohet më 11-12 tetor në Tiranë.

Ribeiro dhe Krasniqi ranë dakord të vazhdojnë bashkëpunimin konstruktiv midis institucioneve të tyre.

Ribeiro ofroi ndihmën e zyrës së saj, veçanërisht në çështjet ligjore, që janë të rëndësishme për punën e përditshme të AMA-s.ATSH

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME
Categories Lajme

Përplasi makinën me të cilën po transportonte emigrantët e paligjshëm dhe u largua, arrestohet italiani në Korçë

Policia ka arrestuar në Korçë një shtetas italian, Massimo Compagnone, i cili përplasi automjetin me…

LEXO ME SHUME
Categories Lajme

Del raporti, “Wiz Air” vonesa dhe anulime me 60 për qind të fluturimeve nga Tirana

Nje raport i fundit tregon se në Aeroportin e Tiranës jatë vitit te kaluar 2023…

LEXO ME SHUME
Categories Lajme

Shqiptari arratiset nga burgu në Zvicër

Një i burgosur u arratis nga burgu Uauuilermoos i Lucernit me kusht. Ai ishte dënuar…

LEXO ME SHUME
Categories Lajme

I riu dhunon 44-vjeçarin dhe e bën për spital, largohet nga vendngjarja me makinë!

Rreth orës 11:30, te ura e Cenit, për shkak të një konflikti për motive të…

LEXO ME SHUME