Autoriteti i Mediave Audiovizuale ka kujtuar edhe një herë respektimin e kërkesave të Kodit Elektoral për periudhën e heshtjes zgjedhore. Kjo periudhë zgjat nga e shtuna deri në përfundim të orarit të votimeve të dielën.
“Kjo ndihmon në atmosferën e zhvillimit të votimeve më 25 Prill 2021, mbështet qytetarët që të ushtrojnë të qetë dhe në mënyrë demokratike verdiktin për votën e tyre”, thuhet në njoftimin e AMA-s e cila po monitoron edhe këtë faze të procesit.