Gregory Jarvis, 57 vjeç një shtetas amerikan, fitoi 45 mijë dollarë në lotari. Po për fat të keq ai u mbyt në det para se të tërhiqte paratë. Ngjarja ndodhi në Shtetet e Bashkuara të Amerikës. Trupi i pajetë i Gregory Jarvis u gjet në plazh në Michigan.
Ai mbante në xhep biletën e lotarisë me një vlerë prej 45 mijë dollarësh. Pas konstatimit të disa plagëve në kokë, fillimisht policia mendoi se bëhej fjalë për një vrasje.
Por autopsia konfirmoi se ishte mbytur, ndërsa plagët ishin shkaktuar nga rënia e tij nga varka. Një nga miqtë e tij u shpreh për mediat amerikane se ai kishte ndërmend të vizitonte babain dhe motrën e tij në Karolinën e Veriut. Ndërsa tani do të jenë pikërisht të afërmit e tij që do të tërheqin paratë e lotarisë.