Categories Lajme

Amnistia fiskale, individët mund të deklarojnë deri në 2 milionë € pasuri pa dhënë “llogari”

Të gjithë shtetasit shqiptarë dhe kompanitë që operojnë në vend do të kenë të drejtë të deklarojnë pasurinë e tyre pa provuar burimet se si e kanë siguruar.

Ministria e Financave dhe Ekonomisë ka përgatitur projektligjin “për Amnistinë Fiskale”, i cili lejon që një individ së bashku me familjarët e tij të ketë mundësi të legalizojë pasuri me vlerë deri në 2 milionë euro.

Individët që përfitojnë nga kjo falje duhet të jenë shtetas shqiptarë, pavarësisht nga vendi ku jetojnë dhe nuk duhet të mbajnë apo të kenë mbajtur poste të larta publike.

Përveç vlerave monetare do të lejohet legalizimi i pasurive të patundshme, bilanceve të biznesit, dhe sende me vlerë si makina, vepra arti dhe gurë të çmuar. Për këto të fundit personat që do të bëjnë kalimin në pikat kufitare do të pajisjen me një vërtetim të posaçëm nga autoritetet.

Procesi i amnistisë do të zgjasë 9 muaj dhe tatimi që do të mbahet për ata që deklarojnë 4 mujorin e parë është 7% e vlerës dhe 10% për muajt e fundit.

Deklarata do të plotësohet nga palët e interesuara për të legalizuar pasurinë dhe një njësi e posaçme pranë Drejtorisë së Tatimeve do t’i pajisë ata me vërtetim. Pasi pasuria të derdhet në bankë apo regjistrohet në Kadastër dhe si të paguhet taksa, do të merret certifikata e përfundimit të procesit.

Amnistia ofron fshehtësi të plotë për emrat që do të deklarojnë pasurinë, nuk do të vendosë kamata apo të hapë hetim për fshehje të ardhurash dhe nuk do të ketë pasoja penale për subjektet që përfitojnë.

Projektligji detyron që paratë dhe pasuritë që do të legalizohen duhet të rrinë të paktën 5 vjet në territorin shqiptar dhe në rast se tërhiqen do t’u vendoset një penalitet në 30% të shumës që transferohet./euronews

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME
Categories Lajme

Përplasi makinën me të cilën po transportonte emigrantët e paligjshëm dhe u largua, arrestohet italiani në Korçë

Policia ka arrestuar në Korçë një shtetas italian, Massimo Compagnone, i cili përplasi automjetin me…

LEXO ME SHUME