Nga Dritan Leli/ Sot prita në zyrën time anëtarët e Komisionit të Ekonomisë në Parlament, të cilët vizituan bashkinë e Vlorës në kuadër të funksionit monitorues në bashkitë e vendit dhe institucionet shtetërore.
Folëm lidhur masat e marra nga bashkia Vlorë për tu ardhur në ndihmë bizneseve, sic është reduktimi i një sërë taksash, por edhe për investimet e rëndësishme që tashmë e kanë kthyer Vlorën në qendrën e turizmit elitar shqiptar. Jam i lumtur që ky zhvillim është përshëndetur sot edhe nga anëtarët e opozitës në Komision.
Një diskutim shumë i vlerë ishte dhe ai i decentralizimit të pushtetit vendor si një pikë shumë e rëndësishme e autonomisë së institucioneve lokale. Një falenderim të vecantë kam për deputetin Vullnet Sinaj, për kujdesin e veçantë dhe bashkëpunimin e treguar si pjesë e këtij bashkëbisedimi.