Lajme

Anija që ngeci në kanalin Suez “çon botën” 150 vite pas

Kompanitë e mëdha të transportit detar po përpiqen të gjejnë një zgjidhje për mallrat e bllokuara në anije, pasi Kanali i Suezit për të katërtën ditë radhazi ka mbetur i bllokuar.

Për shkak të bllokimit, i cili vlerësohet të ketë shkaktuar dëme financiare me vlerë prej 9.5 miliardë dollarësh, shtatë anije që transportonin gaz natyror të lëngshëm kanë ndryshuar destinacionin e tyre.

Tre nga këto cisterna tani po ndjekin rrugën rreth Afrikës, përmes Kepit të Shpresës së Mirë, sipas informacionit nga kompania Kpler. Kjo do të thotë që rruga e anijeve deri në destinacionin final do të zgjasë dy javë më shumë duke e çuar botën 150 vite para, kur kanali i Suezit nuk ishte ndërtuar ende.

Një zyrtar nga autoriteti i kanalit egjiptian tha për Associated Press në kushte anonimiteti se ky ishte një operacion shumë kompleks që duhej realizuar me kujdes. Qëllimi kryesor është të shmanget “çdo ndërlikim” që mund të zgjasë bllokimin e trafikut në kanal.

Sipas autoriteteve, duhet të heqin 15,000 deri në 20,000 metra kub rërë për të arritur një thellësi prej 12 deri në 16 metrash. Kjo thellësi ka të ngjarë të lejojë që anija të lëvizë përsëri.

Autoritetet në Egjipt po vazhdojnë të punojnë me ekipet e shpëtimit në të gjithë botën për të lëvizur Ever Given, e cila “ngeci” në pjesën jugore të kanalit të martën, pasi humbi kontrollin gjatë një stuhie.

Ekspertët kanë deklaruar se për të lëvizur anijen gjigante e cila është 400 metra e gjatë dhe mund të mbajë gati 220,000 ton, duhet të heqin një pjesë të ngarkesës që ndodhet në të.

Artikuj të ngjashëm

Leave a Reply

Your email address will not be published. Required fields are marked *

Lexo edhe:

Close
Back to top button
Close
%d bloggers like this: