“Bandat shqiptare, organizata e huaj më e pranishme në Itali”. Kështu shprehet në raportin e saj të fundit Antimafia italiane.
E cituar nga portali përtej Adriatikut, cn24tv.it, theksohet se sjellja e dhunshme shfaqet jo vetëm për pazare kriminale por edhe për të zgjidhur sherre mes grupeve rivale.
Në raport vihet në dukje edhe një predispozitë e theksuar e përfshirjes së më të rinjve brenda organizatave kriminale.
“Antimafia italiane (DIA) në raportimin e fundit semestral ka bërë edhe një përshkrim për bosët e drogës duke i quajtur si te ‘si të rinj’, ‘të pamëshirshëm’ dhe ‘arrogantë’. Në fashikujt e fundit janë regjistruar raste të mafiozëve të moshave nga 14-18 vjeç”, por si duket grupmosha 18-40 ka një dimension të konsiderueshëm” duke kaluar edhe grupmoshën 40-65 vjeç ne aktivitetet kriminale. Por DIA nuk ka dyshim që kriminaliteti shqiptar është organizata e huaj më e pranishme në rang kombëtar në Itali”, thuhet në raportin e Antimafias italiane.