Lajme

Apeli lë në burg përjetë Gazmend Mustën

Në burg përjetë do të qëndrojë Gazmend Musta 34 vjeçari i dënuar për vrasjen e gruas dhe kunatës së tij mbrëmjen e 2 janarit të vitit 2019 në Ballsh.  Gjykata e Apelit Vlorë ka lënë në fuqi dënimin e shkallës së parë “burgim të përjetshëm” për Mustën. I dënuari për krimin e dyfishtë brenda familjes ka shfaqur pendesë në gjyq dhe ka shprehur merak për dy fëmijët e tij të mitur 3 dhe 7 vjeç.

Ngjarja: Gazmend Musta, 33-vjeçari që masakroi me thikë bashkëshorten e motrën e saj ditën e dytë të vitit të ri, pas krimit, ka marrë për dore dy fëmijët e mitur dhe është nisur drejt Stacionit të Policisë së Ballshit. Sapo është ndeshur me policët para Komisariatit, ai ka hedhur në tokë thikën, me të cilën kishte kryer krimin dhe u ka kërkuar atyre që të interesoheshin për mirëqenien e fëmijëve të tij të mitur.

Në kërkesën e Prokurorisë së Krimeve të Rënda, për caktimin e masës së sigurimit ndaj 33-vjeçarit nga Ballshi, që kreu krimin në familje, shpjegohen rrethanat e vrasjes së dyfishtë, provat e administruara nga Policia, si dhe deklarimet e familjarëve të autorit e viktimës. Sipas kërkesës, Gazmend Musta e ka kryer krimin në prani të fëmijëve të tij, vajzës 7 vjeç e djalit 3-vjeçar. Më pas i ka telefonuar të atit, duke i rrëfyer krimin, ka marrë fëmijët për dore dhe i është drejtuar Policisë, duke treguar ngjarjen.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: