Lajme

Arrestohen dy persona në Tiranë! Do të ekstradohen drejt Italisë e Zvicrës

Dy persona janë arrestuar nga Policia e Tiranës pasi ishin shpallur në kërkim për trafik ndërkombëtar droge. Në pranga janë vendosur shtetasit Bledar Bedini (Imami), 51 vjeç dhe Alessandro Amorosi, 34 vjeç. Sipas uniformave blu, Gjykata e Apelit të Milanos e ka dënuar me 7 vjet burg Bledar Bedinin për veprën penale trafik n arkotikësh.

Ndërkohë Alessandro Amorosi, 34 vjeç ishte shpallur në kërkim ndërkombëtar nga autoritetet zvicerane për shkelje të ligjit mbi drogat. Arrestimi i tyre u bë provizorisht në Tiranë, pasi ato do të ekstradohen drejt Italisë dhe Zvicrës.

Njoftimi i policisë: Operacioni policor i zhvilluar nga Komisariati i Policisë Nr. 2, Fast Albania dhe Seksioni për Hetimin e Narkotikëve në DVP Tiranë dhe Interpol Tirana.

Vihen në pranga, me qëllim ekstradimi, 2 shtetas të shpallur në kërkim ndërkombëtar për veprat penale “Shkelja e ligjit mbi drogat” dhe “Trafik narkotikësh”.

Shërbimet e Komisariatit të Policisë Nr. 2, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, bënë kapjen dhe arrestimin provizor, me qëllim ekstradimin drejt Italisë, të shtetasit:

Bledar Bedini (Imami), 51 vjeç, banues në Tiranë, të cilin Gjykata e Apelit Milano e ka dënuar me 7 vjet burg, për veprën penale “Trafik narkotikësh”.

Gjithashtu, nga Fast Albania në bashkëpunim me specialistët e Seksionit të Hetimit të Narkotikëve në DVP Tiranë, bënë të mundur lokalizimin, kapjen dhe arrestimin provizor, me qëllim ekstradimi drejt Zvicrës, të shtetasit:

Alessandro Amorosi, 34 vjeç, banues në Itali. Ky shtetas ishte shpallur në kërkim ndërkombëtar, pasi autoritetet gjyqësore në Solothurn, Zvicër, kanë lëshuar urdhër arresti ndërkombëtar, për veprën penale “Shkelja e ligjit mbi drogat”, parashikuar nga Kodi Penal i Zvicrës. Interpol Tirana, në bashkëpunim me autoritetet ligjzbatuese italiane dhe zvicerane, vijon procedurat për ekstradimin e këtyre shtetasve.

Artikuj të ngjashëm

Leave a Reply

Your email address will not be published. Required fields are marked *

Back to top button
Close