Lajme

Arrestohet 34-vjeçari, dyshohet se i vodhi makinën një gruaje

Policia e Durrësit ka zbardhur një vjedhje të ndodhur tre ditë më parë, ku një person i mori makinën një gruaje.

Në pranga është vënë autori i dyshuar, një 34-vjeçar i cili edhe më parë ka qenë i dënuar për të njëjtën vepër penale. Policia thote se pas denoncimit filloi punën për identifikimin dhe kapjen e autorit dhe ne kuadër te operacionit “Bared” u be arrestimi i tij.

“Specialistët për Hetimin e Krimeve të Komisariatit të Policisë Durrës, në bashkëpunim me Stacioni e Policisë Plazh, në vijim të punës për goditjen e paligjshmërive në fushën e vjedhjes së pronës dhe pasurisë, identifikimin e autorëve dhe vënien e tyre përpara përgjegjësisë penale, bazuar dhe në informacionet e marra në rrugë operative, kanë organizuar dhe finalizuar operacionin policor të koduar “Bared”, si rezultat i të cilit u bë zbardhja e një vjedhjeje të ndodhur më datë 27.08.2022, identifikimi, kapja dhe ndalimi i autorit të dyshuar, shtetasit:

– V. K., 34 vjeç, banues në Tiranë, për veprën penale “Vjedhja”,  i dënuar më parë për të njëjtën veprimtari kriminale, pasi dyshohet se me datë 27.08.2022, ka vjedhur automjetin në pronësi të shtetases V. K.

Shërbimet e Policisë, menjëherë pas denoncimit të shtetases V. K., kanë filluar punën për identifikimin dhe kapjen e autorit. Si rezultat, kanë bërë të mundur ndalimin e 34-vjeçarit, si dhe lokalizimin e gjetjen e automjetit të vjedhur prej tij”, sqaron policia. Ndërkohë materialet i kaluan Prokurorisë, për veprime të mëtejshme.

Artikuj të ngjashëm

Leave a Reply

Your email address will not be published.

Back to top button
Close