Gazetari Artan Hoxha ka publikuar këtë pasdite pamje nga bregdeti i Sarandës, ku duket skafi i policisë kufitare duke ndaluar përdoruesit e motorave të ujit. “Për çdo vit ka pasur pushues, qe kane humbur jetën, duke u larë në det, nga papërgjegjshmëria kriminale e “qejflinjeve” të motorrave te ujit”, shkruan Hoxha duke u bërë thirrje të rinjve që të zbaviten larg bregut ku janë pushuesit.

Ja çfarë shkruan Hoxha në Facebook Si eshte ajo shprehja, “shteti e kap lepurin me qerre”… Madje kur do shteti, lepuri shkon e hipen vet ne qerren e shtetit… Sarande, mesdite 11 korrik 2020…

Skafi i policise kufitare, duke ndaluar “qeflinjte” e motorreve te ujit, qe vdesin te bejne spektakel prane plazheve, ku pushuesit familjare dhe femijet e tyre, freskohen ne ujerat e kristalta te detit Jon. Per çdo vit ka patur pushues, qe kane humbur jeten, duke u lare ne det, nga papergjegjshmeria kriminale e “qejflinjeve” te motorrave te ujit… Djema, te pasionuar pas motorrave te ujit, bejeni qejfin larg bregut ku lahen pushuesit… Spektakli dhe akrobacite tuaja, shikohen qarte edhe kur jeni nje milje detare, larg bregut..