Asnjë humbje jete, 2451 testime, 2 të shëruar dhe 21 raste të reja në 24 orët e fundit
Në 24 orët e fundit janë kryer 2451 testime, nga të cilat kanë rezultuar pozitivë me Covid19, 21 qytetarë në këto bashki: Tetë raste në Tiranë, nga 3 raste në Durrës, Elbasan, 2 në Konispol, nga 1 rast në Fier, Lezhë, Vlorë, Sarandë, Cerrik. Aktualisht janë 156 pacientë aktivë me COVID19 në të gjithë vendin. Vetëm në prefekturat Dibër dhe Berat nuk ka aktualisht asnjë rast të evidentuar. Në Spitalin Infektiv po marrin trajtim spitalor të specializuar 5 pacientë.
Në 24 orët e fundit nuk ka asnjë humbje jete me Sars-Cov2 pozitiv. Janë shëruar 2 qytetarë gjatë 24 orëve të fundit, duke e çuar numrin e të shëruarve në 130,074 që nga fillimi i epidemisë.