Situata e covid-19 në Kosovë vjen duke u përmirësuar. Sipas raportit të Ministrisë së Shëndetësisë, në 24 orët e fundit nuk është shënuar asnjë viktimë, por kanë rezultuar të infektuar 15 persona. Aktualisht numri i rasteve aktive në të gjithë vendin është 745, ku Prishtina mbetet vatra e infeksionit, me numrin më të lartë të infektimeve krahasuar me qytetet e tjera.

Në 24 orët e fundit, 56 qytetarë kanë arritur ta fitojnë betejën me virusin, ndërsa numri total i të infektuarve ka shkuar në 156.812 që nga fillimi i epidemisë në vend. Në 24 orët e fundit janë dhënë 7.726 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë vaksinuar 1.497.408 qytetarë, ku 666.265 prej tyre i kanë marrë të dyja dozat.