Një aksident me pasojë vdekje ka ndodhur mëngjesin e sotëm në fshatin Kurjan, Roskovec.
Paraprakisht bëhet me dije se një autobus është përplasur me një motor dhe si pasojë ka humur jetën drejtuesi i këtij të fundit.
Në vendngjarje ka mbërritur ambulanca dhe grupi hetimori cili po punon për zbardhjeen e rrethanave të ngjarjes.
Fier / Informacion paraprak:
Sot, rreth orës 09:30, në Kurjan, Roskovec, shtetasi I. M., 56 vjeç, banues në Vlosh, duke drejtuar automjetin tip “Autobus”, është përplasur me motomjetin me drejtues shtetasin I. C., 80 vjeç, banues në Roskovec, i cili ka ndërruar jetë. Nga pasagjerët në autobus, nuk ka të lënduar. Shtetasi I. M. është shoqëruar në Komisariat dhe po kryhen veprimet procedurale. Grupi hetimor po punon për zbardhjen e rrethanave të aksidentit.