Prej disa ditësh, nëpër rrjetet sociale dhe ato mediatike është raportuar rritja e pakuptimtë që kompanitë celulare i kanë bërë paketave me parapagesë. Tarifat u rritën me 200 lek për paketat me parapagesë. Sakaq, ABC News bën me dije se Autoriteti i Konkurrencës ka reaguar dhe ka pezulluar tarifat e rej të kompanive celulare. Sipas ABC-së, kompanitë celulare do të veprojnë me tarifat e vjetra në treg deri sa përfundojë hetimi dhe të merret një vendim i plotë. Autoriteti akuzon kompanitë celulare për shkelje të rregullave të konkurrencës të përcaktuara për operatorët telefonikë.