Një avion i linjës “EgyptAir” i cili ishte nisur për në Moskë është detyruar të kthehej në Kajro të mërkurën pasdite pasi një mesazh kërcënues u gjet brenda tij.

Në një deklaratë të shpërndarë nga linja ajrore kryesore e Egjyptit avioni u kthye i sigurt në aeroportin ndërkombëtar të Kajros 22 minuta pasi ishte ngritur në qiell të hapur drejt Moskës.

Duke cituar një zyrtar të paidentifikuar, kompania tha në një deklaratë se “mesazhi u gjet në një ulëse Airbus A220-300”, pa specifikuar përmbajtjen e tij. “EgyptAir” tha se nuk e di se kush e ka shkruar mesazhin dhe se po merren të gjitha masat e nevojshme për sigurinë e saj. (Faxweb)