Edhe pse kryetari i PD-së Lulzim Basha mbërriti vonë në Selenicë, rreth orës 22:30 , pritja nuk ishte aspak e ftohtë. Të shumtë ishin ata që dolën në shesh për ta pritur kandidatin për kryeministër. Madje pati dhe shpërthime të fishekzjarreve. Në fjalën e tij Basha tha: “Në këtë orë të mbrëmjes shoh dritën e shpresës dhe të ndryshimit”.
“Për 8 vite nuk mbaroi rrugën e premtuar por e zvarriti, dhe mashtroi fermerët. Edhe për tre ditë, e keqja dhe korrupsioni largohet me votë. Mashtrimi dhe Edi Rama largohet me votë”, tha Basha duke i bërë thirrje mbështetësve të votojnë numrin në fletën e votimit. “Ne jemi njerëzit e rrugës së Kombit, dhe të tunelit të Elbasanit, dhe më 25 pril Selenica ndahet nga dështimi”, shtoi më tej kryetari i PD.