Categories Lajme

Bie kredia, rriten depozitat, përgjysmohem huant e dhënë nga bankat

Edhe pse në fillimet e pandemisë u duk se pati një politikë lehtësuese nga bankat për dhënien e kredisë, ajo është përgjysmuar krahasuar me marsin e një viti më parë. Në një rritje të lehtë janë vetë depozitat me 0.1%.  Fillimi i muajit mars, i cili përkoi me përhapjen e pandemisë paralizoi çdo aktivitet ekonomik, e pasqyruar kjo edhe në rënie e ndjeshme të kredisë së re.

Sipas raportit më të fundit të Bankës së Shqipërisë huaja e re e dhënë ishte 6.4 miliardë lekë, duke shënuar kështu një përgjysmim të mesatares mujore të dhënë një vit më parë. Edhe kreditimi në euro gjatë kësaj periudhe është përgjysmuar krahasuar me mesataren mujore të 2019-s. Monedha e përbashkët ka arritur nivelin më të ulët mujor që nga viti 2015, ku gjatë muajit mars janë dhënë vetëm 32 milionë euro kredi.

Pas përhapjes së koronavirusit Banka e Shqipërisë miratoi disa rregullore dhe nxori një udhëzim për qytetarët dhe bizneset, që mundësonin riskedulimin e kësteve të kredisë me subjektet kredimarrëse për të gjithë ata që do kishin pamundësi pagese. Kjo solli një rritje të stokut të huasë me 3.2% ose 18 miliardë lekë përgjatë muajit mars krahasuar me muajin shkurt.

Stoku i kredisë në fund të muajit mars arriti 597 miliardë lekë , shumë kjo e cila është marrë hua nga bizneset dhe individët dhe rreth 49% e saj është në valutë. Rritja e stokut të kredisë është ndikuar dhe nga forcimi i monedhës së përbashkët evropiane përgjatë muajit mars.Megjithatë depozitat ndryshe nga kreditë nuk u ndikuan nga pandemia. Sipas të dhënave të Bankës së Shqipërisë depozitat në lekë ruajtën tendencën rritëse edhe pse me një rritje të lehtë prej 0.1%  përgjatë muajit mars në raport me shkurtin.

Nga të dhënat rezulton se individët dhe bizneset kanë rritur kursimet e tyre në lekë edhe pse me doza të moderuara. Arritja e nivelit të valutës evropiane në 131 lekë nga 122-123 që ishte në dy muajt e parë të vitit kanë sjellë një rritje të ndjeshme në mars të depozitave në euro. Totali i depozitave të raportuara ishte rreth 8.7 miliardë euro.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK sekuestron pasuritë e dy ortakëve të Evis Berberit (Emrat)

SPAK ka sekuestruar pasuritë e dy ortakëve të Evis Berberit, biznesmenëve Valter Begaj  dhe Ervis…

LEXO ME SHUME
Categories Lajme

EMRI/ Vdes në punë shqiptari në Itali, baba i katër fëmijëve

Një shqiptar vdiq i shtypur nga një ngarkesë që peshonte mbi një ton ndërsa po…

LEXO ME SHUME
Categories Lajme

Beleri dhe Goro në burg, pas tensioneve në Këshillin bashkiak të Himarës, zgjidhet kryetari i komanduar

Blerina Balaj është zgjedhur kryetare e komanduar e Bashkisë Himarë pas mbledhjes me tensione në…

LEXO ME SHUME
Categories Lajme

Ngjarja në Memaliaj, policia: 41-vjeçari qëlloi në ajër për të kanosur dy persona

Një person ka qëlluar në ajër në Memaliaj ditën e djeshme dhe si pasojë e të…

LEXO ME SHUME
Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME