Categories Lajme

Bilanci në një javë/ Policia: U zbuluan dy laboratorë, 22 operacione, u arrestuan 126 persona

Policia e Shtetit ka bërë bilancin e punës në një javë, ndërsa ka arrestuar mbi 100 persona.

NJOFTIMI I POLICISE , Strukturat e Policisë së Shtetit në të gjithë vendin vijojnë operacionet policore të koduara, për kapjen e personave në kërkim kombëtar dhe ndërkombëtar, për goditjen e armëmbajtjes pa leje, kultivimit dhe trafikimit të lëndëve narkotike, kontrabandimit të emigrantëve nga vendet e treta, për goditjen e krimeve mjedisore dhe krimeve ekonomike.

Gjatë kësaj jave, në të gjithë vendin, janë arrestuar, proceduar dhe shpallur në kërkim 437 persona, nga këta: 126 janë arrestuar, 288 janë proceduar dhe 23 janë shpallur në kërkim. Janë kapur 27 persona të shpallur në kërkim, nga këta 22 në kërkim kombëtar (njëri prej tyre me rrezikshmëri të lartë shoqërore, i kërkuar për vrasje të dyfishtë) dhe 5 në kërkim ndërkombëtar.

Janë zhvilluar 22 operacione policore të koduara: “Farka”, “Programuesi”, “Suplier 2”, “Çelësi”, “Dealer”, “Last game”, “Thread”, “Pinet”, “Fati i lojërave” (2 raste), “Përgatitja”, “Ixellesi”, “Miloti”, “Lalm i Ri”, “Last winter”, “Qerreti”, “Call me”, “Gaminator”, “Perimetri”, “Basti i fundit”, “Poker” dhe “Horizonti”.

Janë goditur 11 raste të armëmbajtjes pa leje, për të cilat janë arrestuar 6 persona, janë proceduar penalisht 4 persona dhe 1 është shpallur në kërkim.

Janë sekuestruar 6 armë zjarri, 2 armë gjahu, 1 armë sportive, 8 armë të ftohta, dy laboratorë për kultivimin e bimëve narkotike me llamba, njësi kompjuterike, tavolina pokeri, çipsa, letra bixhozi për lojëra fati, një sasi kokaine, kanabis, 3.5 tonë kafe, shuma parash e sende të tjera të kundërligjshme.

Janë evidentuar 49 raste të krimeve mjedisore, me 5 persona të arrestuar, 43 të proceduar dhe 1 të shpallur në kërkim. Në fushën e lojërave të fatit janë evidentuar 14 raste, me 5 persona të arrestuar, 12 të proceduar dhe 4 të shpallur në kërkim. Në fushën e narkotikëve janë evidentuar 46 raste, me 16 persona të arrestuar, 33 të proceduar dhe 1 të shpallur në kërkim.

Janë evidentuar 29 raste të dhunës në familje, me 13 persona të arrestuar, 14 të proceduar dhe 2 të shpallur në kërkim. Në fushën e krimit ekonomik janë evidentuar 30 raste, me 7 persona të arrestuar, 28 të proceduar dhe 1 në kërkim. Janë evidentuar 4 raste të kundërshtimit të punonjësve të Policisë, me 1 person të arrestuar dhe 5 të proceduar.

Në fushën e vjedhjes së energjisë elektrike janë evidentuar 13 raste, me 3 persona të arrestuar (2 prej tyre punonjës të OSHEE-së, për veprën penale “Shpërdorim detyre”) dhe 12 të proceduar.

Në fushën e qarkullimit rrugor: janë pezulluar 485 leje drejtimi, nga të cilat 311 për shpejtësi tej normave të lejuara, 109 për drejtim mjeti nën efektin e alkoolit apo në gjendje të dehur dhe 65 për qarkullim në sens të kundërt.

Janë arrestuar 68 drejtues mjetesh, nga këta: 30 për drejtim mjeti në gjendje të dehur, 36 për drejtim mjeti pa leje drejtimi dhe 2 për drejtim mjeti në mënyrë të parregullt, me pasoja për jetën. Gjithashtu, janë goditur 18 raste të mitëdhënies, si dhe janë vendosur 14.946 masa administrative.

Ndërkohë, Policia e Shtetit është duke vijuar operacionet dhe kontrollin e territorit, me qëllim parandalimin dhe goditjen e paligjshmërisë dhe në këtë kuadër fton sërish qytetarët për të denoncuar në 112 e në Komisariatin Dixhital, çdo rast të paligjshmërisë, duke u garantuar anonimat të plotë dhe reagim të menjëhershëm e të paanshëm.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Emri/ Ngjarja e rëndë: 29-vjeçarja nga Lushnja rreh vjehrrin

Një 29-vjeçare nga Lushnja ka dhunuar fizikisht vjehrrin e saj. Ngjarja ka ndodhur në fshatin…

LEXO ME SHUME
Categories Lajme

Detaje/ U dënua për aksidentin tragjik me 5 të vdekur, përfiton nga amnistia Rexhina Celhaka! Lot e përqafime me të atin te dera e burgut

Bedri Celhaka mundi ta përqafonte për herë të parë pas 3 vjetësh jashtë hekurave, vajzën…

LEXO ME SHUME
Categories Lajme

Hajdutët shënjestrojnë makinat, tre raste në pak ditë në një fshat në Klos

Banorët e fshatrave të Xibrit në Bashkinë e Klosit po ndjehen të pasigurtë çdo ditë…

LEXO ME SHUME
Categories Lajme

VIDEO/ “Ndihmë-ndihmë” – Maja hyn në banesë duke thyer derën, por ia merr ulërimave nga ballkoni pa e prekur njeri, ish bashkëshorti filmon gjithë skenën: Largohu!

Pas lajmit se këngëtarja e muzikës popullore “Maya” ishte dhunuar nga bashkëshorti i saj nga…

LEXO ME SHUME
Categories Lajme

Amnistia penale/ Drejtori i IEVP Vlorë jep lajmin: Mund të përfitojnë dhe të tjerë të dënuar në ditët në vijim

Edmond Leka, drejtor i IEVP Vlorë, thotë se në ditët e ardhshme mund të ketë…

LEXO ME SHUME