Në Sarandë, investimet portuale dhe infrastrukturore pritet të zgjerojnë impaktin e zhvillimit të turizmit dhe të ekonomisë për këtë rajon. Gjatë muajin shkurt përfundojnë punimet për rehabilitimin e kalatës së trageteve ne Portin detar të Sarandës, në jug të vendit, me një fond prej 30 milionë lekë nga buxheti i shtetit.
Drejtori i Portit Detar Alket Qëndro, tha për ATSH-në se “zbatimi i Projektit “Rehabilitimim i kalatës së trageteve RORO”, ka si qëllim ndërhyrjet në thellim të ujërave përreth kalatës, nisur nga nevoja për përpunimin e anijeve me kapacitete më të mëdha, krijimin e kushteve të domosdoshme për lundrim të sigurt në port duke mbajtur parasysh infrastrukturën ekzistuese të amortizuar të kalatës ekzistuese”.
Sipas Qëndros, investimi i ri në portin e qytetit bregdetar të Sarandës, përfundojnë brenda muajit shkurt 2021. Ndërsa punimet janë përqendruar në gërmimin me 4 deri 5 metër thellësi të zonës së bregut të kalatës dhe largimin e rreth 2500 m3 mbetje detare .
Disa procese të investimit kanë konsistojnë në hedhjen e shtresave të betonimit në sheshin e kalatës dhe rehabolitimin e infrastrukturës përkatëse të ndriçimit, kanalizimeve, etj. Ndërkohë që ndërtimi dhe zgjatja e kalatës nr 2 në Portin e Sarandës, ka krijuar mundësinë e ankormit të kroçierave të mëdha turistike. “Aktualisht, bëri të ditur për ATSH-në, Qëndro, ka përfunduar projekti për ndërtimin dhe zgjatjen e kalatës nr 2 të trageteve, në rreth 450 metër gjatësi nga 180 metër që ishte më parë duke krijuar mundësinë e ankorimit të kroçierave të mëdha turistike në Portin detar të Sarandës”.
