Lajme

Bujar Leskaj: 4 Janar 1990 – fillimi i fundit të diktaturës!

14 Janari i vitit 1990 do të mbahet mend si dita kur qytetarët e Shkodrës u ngritën në protestë kundër regjimit komunist dhe vendosën të heqin bustin e Stalinit, në qendër të qytetit. Kjo ngjarje, për vetë rëndësinë dhe kohën në të cilën u zhvillua, u konsiderua si demonstrata e parë antikomuniste në Shqipëri.

Lidhur me këtë datë, deputeti i PD Bujar Leskaj shkruan se drejtuesit dhe organizatorët e protestës së parë antikomuniste do të ngelen gjithmonë të skalitur në kujtesën historike të kombit, si pararendës të pluralizmit politik, që solli Lëvizja Studentore të Dhjetorit 1990, ku studentët shkodranë, me në krye Heroin e Demokracisë, Arben Broci ishin në ballë dhe themelues të Partisë Demokratike.

Shkrimi i Bujar Leskajt 4 Janar 1990- fillimi i fundit të diktaturës!

32 vjet më parë, në 14 Janar 1990, rreth 3000 qytetarë shkodranë, të rinj e të reja, u ngritën në protestë kundër regjimit komunist dhe vendosën të heqin bustin e Stalinit, në qendër të qytetit.

Organizimi i protestës kishte filluar që në 11 janar.

Për vetë rëndësinë dhe kohën në të cilën u zhvillua, kjo ngjarje, konsiderohet si demonstrata e parë antikomuniste në Shqipëri dhe merr vlera të veçanta jo vetëm historike, por edhe politike.

Mesazhi ishte i qartë: Shqipëria do të ndahej nga diktatura komuniste dhe nga regjimi gjakatar!

Drejtuesve dhe organizatorëve të protestës së parë antikomuniste, Gjergj Livadhi, Ded Kasneci, Redi Monajka, Flamur Elbasani, Viktor Martini, Nikolin Thana, Klaudio Daka, Tonin Dema, Brahim Bilali, Tefë Cunami, Skënder Madani, Apollon Haxhi, etj, ju bashkuan edhe studentët e Universitetit “Luigj Gurakuqi”.

Këta heronj do të ngelen gjithmonë të skalitur në kujtesën historike të kombit, si pararendës të pluralizmit politik, që solli Lëvizja Studentore të Dhjetorit 1990, ku studentët shkodranë, me në krye Heroin e Demokracisë, Arben Broci ishin në ballë dhe themelues të Partisë Demokratike.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: