Lajme

Bulqizë/ Drejt përfundimit rikonstruksioni i rrugës në fshatin Gjoricë

Bashkia Bulqizë vijon punën për përmirësimin e infrastrukturës rrugore në njësinë administrative Gjoricë. Kryetari i bashkisë Bulqizë, Lefter Alla tha sot se puna për hapjen e rrugëve anekënd Bulqizës po vazhdon pa pushim dhe më të njëjtin përkushtim.

“Ekipet tona janë në përfundim të ndërhyrjes që po bëjnë në rrugët e njësisë administrative Gjoricë, për t’u kthyer në Fushë-Bulqizë. Aktualisht jemi në këtë fazë ndërhyrjes, pa iu shmangur për asnjë moment dëshirës dhe përkushtimit tonë që në fund të këtij mandati të kemi rrugë të asfaltuara në çdo njësi administrative”, tha ai. Përmirësimi i infrastrukturës në fshatin Gjoricë u shërben qindra banorëve për lëvizjen e lirë të qytetarëve dhe mjeteve si dhe lidhë Gjoricën me qendrën administrative dhe fshatrat për rreth. Pas Gjoricës, bashkia Bulqizë nis punën për përmirësimin e rrugës në Fushë-Bulqizë

Artikuj të ngjashëm

Leave a Reply

Your email address will not be published.

Back to top button
Close