fbpx
Lajme

Bust për aktoren Hajrie Rondo/ Skulptori frymëzohet nga mjeshtëria e aktores së njohur

Shohim shpesh buste të figurave politike, atyre historike e më pak ato artistike. Kjo është Tana, e famshja Hajrie Rondo në një ndër rolet e saj më spikatura. Bust i bërë nga skulptori Kreshnik Xhiku, që së shpejti do të zërë vend në qytetin e saj të lindjes, në Delvinë.

Tek roli i Tanës del në pah karakteri i grave të jugut. Temperamenti i tyre i fortë dhe i veçantë. I personalizuar me aq mjeshtëri nga aktorja dhe që është gdhendur në kujtesë si një ndër rolet më të dalluara të saj. E jetësuar ashtu në këtë bust që në punë e sipër ajo do t’i kthehet vendlindjes si Tana.

Po ta shikoni nuk është në një madhësi si bustet që jemi mësuar të shohim. Do të vendoset përpara shtëpisë së kulturës së Delvinës dhe është biseduar me deputetin e zonës dhe kryetaren e bashkisë dhe sapo të derdhet në bronx, do ta vendosim”.

Si një skulptor i lidhur ngushtë me jugun, Xhiku ka kohë që e ka studiuar figurën e artistes, duke e detajuar edhe me rekizite rolin e saj, të Tanës.

“Përpara se ta bëja këtë puna grumbullova disa materiale fotografike nga familja, Jam mbështetur në veshjen e saj me rolin e saj më të spikatur në filmin “Përrallë nga e kaluara”. Dhe rolin e Tanës,mbase nga rolet më të mira të saj. Unë zgjodha atë rekuizitë.I vura dhe shaminë tek koka, bile dhe pak punë kam për ti bërë dekor shamisë, nuk do e le ashtu”. Janë figura që kanë bërë histori në artin e kinematografisë dhe është mirë që t’i përjetojmë”. Hajrie Rondo ka 120 role në kinema edhe teatër. Artistja u shua në 2-17, në moshën 66-vjeçare. Top Channel

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button